Gráhella á Selfossi

Skilalýsing:

Byggingaraðili

North Team Invest ehf. (NTI) er byggingaraðili hússins. NTI er í eigu Gísla Guðmundssonar húsasmíðameistara sem hefur áralanga reynslu af framkvæmdum fyrir fyrirtæki og einstaklinga ásamt því að byggja atvinnu- og íbúðarhúsnæði á eigin vegum.

Fyrirtækið leggur áherslu á vandaðar íbúðir, góða þjónustu og skil íbúða á réttum tíma. Stefna fyrirtækisins er að leitast við að eiga gott og náið samstarf við kaupendur.

Félagið mun nú sem áður kappkosta að skila góðu og vönduðu verki til viðskiptavina sinna og ábyrgist traust, gæði og áreiðanleika í viðskiptum.

Hönnun

Aðalhönnuður hússins er teiknistofan GP arkitektar. Teiknistofan hefur mikla og langa reynslu af hönnun íbúðarbygginga og hefur á liðnum árum verið þekkt fyrir framúrskarandi hönnun og arkitektúr.

Hönnuðir burðarvirkja og lagna er Verkfræðistofa Jóns Kristjánssonar.

Brunahönnum er í höndum Gunnars Kristjánssonar brunahönnuðar.

Hljóðráðgjafi er Gunnar Hans Pálsson hjá Verkfræðistöfuni Önn ehf.

Innanhúsráðgjafi er Guðni Pálsson hjá GP arkitektar ehf.

Sökklar

Sökklar verða staðsteyptir og jánbentir samkvæmt teikningum

Einangrun á sökklum innverðum er 75mm / 24kg undir plötu er 100mm / 24kg einangrunarplast

Lagnir

Skolp og regnvatnslagnir eru tengdar fráveitukerfi bæjarins

Útikrani verður bakatil og ídráttarrör fyrir heitan pott.

Raflagnir

Raflagnir verða fullbúnar samkvæmt teikningum, rakaheldir kúplar í eldhúsi og baði.

Útiljós verður að framanverðu og útitengill verður bakatil.

Útveggir

Útveggir eru byggðir samkvæmt teikningu úr timbri 50 x 150mm. Grind er klædd að utan með 12mm OSB plötum til stýfingar og einangruð með 150mm steinull, að innan er rakavarnarlag og klætt með 2 x 13mm gifsplötum.

Opinber gjöld

Seljandi greiðir inntaksgjöld fyrir rafmagn og hita . Húsin skilast öll á byggingarstigi 7 með lokaúttekt. Kaupandi greiðir skipulagsgjald þegar það verður lagt á.

Húsið

Húsin eru að Gráhellu 1-70 Selfossi.

Staðsetning er mjög fjölskylduvæn en húsin standa skammt frá Sunnulækjarskóla sem er nýbyggður.

Þá er mjög stutt í leikskóla, fjölbrautarskólinn og íþróttavallarsvæði eru í göngufæri.

Útveggir, klæddir með Cembrit/Eternit stone pane´s og furu panel sbr. teikningu GP Arkitekta sem tryggir lágmarks viðhald hússins.

Allir gluggar verða glerjaðir með K-gleri og útihurð með þriggja punkta læsingu. Þak hússins verður með kraft sperrum á hefðbundinn hátt og einangrað. Bárujárn verður á þaki.

Leitast verður eftir með sérfræðingum að veggir milli húsa verði hannaðir þannig að ýtrustu hljóðkröfur náist.

Sjá einnig tölvumyndir, varðandi útlit og frágang.

Frágangur íbúða

Íbúðirnar eru byggðar í samræmi við gildandi byggingarreglugerð.

Íbúðir skilast fullbúnar, en án gólfefna. Gólf á baðherbergjum verða flísalögð með Geostone Teea 30*60 nat/ret flísum frá Piemme á Ítalíu eða sambærilegu. Útveggir verða einangraðir og klæddir að utan, sandsparslaðir og málaðir að innan. Allir veggir og loft innan íbúða verða sandsparslaðir og málaðir í ljósum lit, innveggir verða úr tvöföldum gipsplötum, sparslaðir og málaðir í ljósum lit. Innréttingar og fataskápur í hjónaherbergi (ca 180 cm) verða spónlagðar með láréttum hvíttuðum eikarspóni. Innihurðir verða ca. 220 cm á hæð, einnig spónlagðar með sama efni og innréttingar. Í andyri verður verður fataskápur (ca 90 cm).

Pípulagnakerfi hússins verður hefbundið ofnakerfi. Hefðbundnir ofnar, þýskir af gerðinni Purmo, verða í húsinu eða sambærilegir með vönduðum ofnlokum frá Danfoss.

Vatnslögn verður álpex.

Loftræsting (útsog) verður í rýmum þar sem við á en annars er um nátturulega loftræstingu að ræða (opnanleg fög).

Í baðherbergjum, geymslu og eldhúsi verða rakaheldir ljósakúplar en annars afhendast íbúðir með ljósastæðum (án kúpla).

Slökkvitæki, reykskynjari og læsanlegur lyfjaskápur fylgir hverri íbúð. Dyrabjalla verður í öllum íbúðum.

Frágangur eldhúsa

Hönnun gerir ráð fyrir innréttingum þar sem lögð er áhersla á að haga skipulagi eldhúsa á sem bestan hátt með nútíma hönnun og þarfir í huga.

Innréttingar verða tvítóna, efri skápar sprautulakkaðir hvítir, en neðri hluti innréttinga spónlagðar með láréttum, hvíttuðum eikarspóni og frágangur sbr. myndir að neðan. Borðplötur verða plastlagðar. Innréttingar skulu vera í samræmi við sérteikningar og arkítektateikningar. Þar sem misræmi er á milli þeirra tveggja teikninga, skulu sérteikningar gilda.

EKKI ÞESSI HÁFUR / EINUNGIS SÝNISHORN

Eldhústæki

Eldhús skilast með ofnum frá Electrolux af gerðinni EOB3311AOX eða sambærileg. Í öllum íbúðum verður keramik helluborð af gerðinni Electrolux EHF6342xok M eða sambærileg með snertitökkum. Íbúðir verða ýmist með undirofnum eða veggofnum. Háfur af gerðinni Electrolux eða sambærilegt verður yfir eyju.

Frágangur baðherbergja og þvottahúsa

Baðherbergi og þvottahús eru sameiginleg í öllum íbúðum. Salerni verða upphengd og með innbyggðum vatnskassa í vegg af gerðinni Tece eða sambærileg hæglokandi WC seta. Í öllum íbúðum verður rúmgóð sturta með flísalögðum botni í gólfi og sturtugleri. Baðherbergisgólf verða flísalögð með Geostone Teea 30*60 nat/ret flísum eða sambærileg frá Piemme á Ítalíu, en veggir inn í sturtu flísalagðir með RC Blanco Mate 30x60 frá Keraben á Spáni eða sambærileg flísum. Aðrir veggir á baðherberginu og þvottahúsi verða málaðir í hvítum lit.

Loftræsting (útsog.)

Baðinnréttingar verða sprautulakkaðar hvítar og borðplötur plastlagðar. Ofan við vask verður spegill og innrétting samkvæmt sérteikningu. Hreinlætistæki verða af gerðinni Damixa eða sambærileg. Öll blöndunartæki verða hitastýrð “einnar handar”.

Á baðherbergjum verður lagt fyrir þvottavél og þurkara. Loftræsting er útsog.

Geymsla

Lagna inntök verða í geymslu.

Lóð

Húsinu verður skilað fullbúnu og með vönduðum frágangi að utan. Lóð í kringum húsið verður tyrfð og bílastæði malbikuð, gengið frá skjólvegg fyrir ruslatunnu.

Á milli húsa bakatil kemur veggur til aðgreiningar c.a 1,80 á hæð og 90 á breidd.

Annað

Vísað er til hönnunargagna (m.a. byggingarnefndarteikninga) varðanda nákvæmar útfærslur á atriðum sem ekki koma fram í skilalýsingunni. Almennt miðast skil hússins við vandaðan frágang og viðurkennd skil á nýju íbúðarhúsnæði.