Strikið 1 ABC

Sala er hafin á íbúðum fyrir fólk 60 ára og eldri í glæsilegu og vönduðu 42ja íbúða fjölbýlishúsi við Strikið 1 ABC í Sjálandshverfi í Garðabæ. Íbúðirnar eru frá 84 til 180 fm. Áhersla hefur verið lögð á að húsið sé eins viðhaldslítið og kostur er, en það er einangrað að utan og álklætt.

Íbúðirnar eru ýmist með góðum svölum, þakgörðum eða timburveröndum með skjólgirðingum á jarðhæð. Stæði í upphitaðri bílgeymslu fylgir öllum íbúðum þar sem gert er ráð fyrir að hægt sé að hlaða rafmagnsbíla.

Íbúðirnar skilast fullbúnar án gólfefna, þó verða flísar á baðherbergjum og þvottahúsum frá Birgisson. Innréttingar eru frá Axis, heimilistæki frá Ormsson, innihurðar frá Parka og hreinlætistæki frá Tengi.

Rafmagns- og sjónvarpslögn fylgir frágengin með einum mynddyrasíma í íbúð. Reykskynjarar í íbúðum og sameign verða vaktaðir af stjórnstöð öryggisfyrirtækis. Hægt er að sækja um öryggishnapp sé þess þörf sem eru niðurgreiddir af Sjúkratryggingum Íslands með tilvísun læknis og því vaktaðir af öryggisfyrirtæki.

Í hverju stigahúsi verður sameign fullfrágengin með lyftu. Allar sameignarhurðar verða með mótorknúnum opnunum. Í Anddyri og kjallara verða gólf flísalögð en stigar og stigapallar teppalagðir.

Sameign að utan verður með fullfrágenginni lóð samkvæmt leiðbeinandi hönnun Landslags arkitekta. Gangstéttar við húsið verða hellulagðar með snjóbræðslukerfi.

Innan hússins verður salur fyrir íbúa hússins til þess að halda fundi eða mannfagnaði. Ekki er þó um eiginlega félagsaðstöðu að ræða, enda er Þjónustusel Garðabæjar staðsett handan götunnar í Jónshúsi fyrir eldri borgara Garðabæjar.

Tekið skal fram að 200 íbúðir eru í Strikinu 2-12 og 17. Júní Torgi 1-7 fyrir fólk á aldrinum 50 ára og eldri.

Einnig er hjúkrunarheimilið Ísafold á næstu lóð, sem mætti hugsa sem ákveðið öryggi í framtíðinni, varðandi hugsanlega baðþjónustu, sjúkraþjálfun og tengsl við hjúkrunarfólk. En um þetta þarf að semja.

Sjáland er við Arnarnesvog í Garðabæ og í fallegu umhverfi við sjávarsíðuna. Ökuleiðir til og frá hverfinu eru greiðfarnar, stutt í Smáralind og miðbæ Garðabæjar. Vestast við voginn er náttúruleg fjara og í framhaldi af henni er sjóbaðsströnd sem snýr í sólarátt. Strandlengjan verður öll opin almenningi og gangstígur tengir hana og hverfið við miðbæ Garðabæjar. Jónshús er staðsett gengt Strikinu, er þar Þjónustusel með margvíslegri þjónustu.