Lóðin Vefarastræti 7-11 er á miðsvæði Helgafellshverfis í Mosfellsbæ sem nefnt hefur verið Augað. Í skipulagi svæðisins hefur verið unnið með ákveðna bæjarmynd með hefðbundnum bæjarrýmum, götum, torgum og görðum.

Augað afmarkast af sérbýlishúsabyggðinni í Helgafellshverfinu umhverfis miðsvæðið og hringtorgum til austurs og vesturs.

Aðkoma að svæðinu er um tengibraut frá Vesturlandsvegi um Álafosskvos úr vestri. Í framtíðinni er í skipulagi gert ráð fyrir tengibraut frá Þingvallavegi úr norðri, tengibraut frá Hafravatnsvegi úr austri svo og safngötu um Álafosskvos frá suðri.