Húsunum verður skilað fullfrágengnum utan sem innan.

Frágangur utanhúss

Húsin eru klædd með vandaðri og viðhaldslítilli utanhússklæðningu og með vönduðum timburgluggum. Þak er klætt með AluZink og vandaðar stálrennur með hvítum niðurföllum. Þakkantar úr bandsöguðu timbri, hvítmálaðir. Vandaðar útihurðir frá Porta Doors.

Að framanverðu er lóð hellulögð undir bílastæði með blómakeri á milli húsa. Skjólveggur við anddyri. Timburverönd ásamt skjólvegg að aftan. Botnlangi malbikaður. Að öðru leyti er lóð tyrfð og frágengin.

Frágangur innanhúss

Innréttingar og skápar:: Innréttingar eru í eldhúsi og á baðherbergi. Skápar eru í forstofu, hjónaherbergi og barnaherbergjum. Úthliðar innréttinga eru með hnotu/svart í eldhúsi og hvítir fataskápar ásamt hvítri innréttingu á baði. Allar innréttingar eru frá Parka og eru framleiddar í Ítalíu.

Eldhús: Sérsmíðuð innrétting í eldhúsi er samkvæmt teikningu og með ljúflokunarbúnaði á skúffum. Með eldhúsinnréttingu fylgir innbyggður ísskápur, bakaraofn, spanhelluborð, innbyggð uppþvottavél og háfur með kolasíu af viðurkenndri gerð. Öll heimilistæki eru frá Siemens.

Baðherbergi: Veggir á baðherbergi eru flísalagðir upp að lofti. Öll salerni eru upphengd og innbyggð í vegg. Á baði er handklæðaofn. Sturta ásamt innbyggðum sturtutækjum er í öllum húsum.

Hreinlætistæki: Öll blöndunartæki eru af vandaðri gerð.

Hurðir: Innihurðir eru mjög vandaðar og massífar. Áferð er hvíttuð eik. Allar innihurðir eru frá Porta Doors og eru í yfirhæð (220cm).

Gólfefni: Á gólfum er hljóðdeyfandi dúkur og 12MM hágæðaharðparket en flísar í votrýmum.

Pípulögn: Hitalagnir eru hefðbundnar ofnalagnir. Neysluvatnslagnir eru lagðar úr ryðfríum efnum.

Rafkerfi: Raflögn er fullfrágengin. Innbyggð LED lýsing í stofu og alrými. Rofar og tenglar (fyrir rafmagn, tölvu/síma) verða settir upp í samræmi við raflagnateikningar.

Loftræsing: Útsog er frá gluggalausum rýmum í húsunum, þ.e. baðherbergjum og geymslu.

Með öllum húsum fylgir „stand alone“ öryggiskerfi frá Securitas af nýjustu gerð. Kaupendur geta ákveðið sjálfir hvort þeir tengi kerfin við öryggisþjónustu Securitas. Einnig getur kerfið virkað sem snjallkerfi.

Í öllum nýbyggingum, hvort sem um er að ræða timbur- eða steypt hús má gera ráð fyrir að fyrstu 1-2 árin séu húsin að setjast og jafna sig. Einnig eru byggingarefni eins og kítti að fullþorna og getur þetta tvennt orsakað rifur í kverkum sem hverfur við næstu málun.

Hönnuðir:
Arkitekt: Artstone slf. Þorsteinn Aðalbjörnsson Byggingafræðingur BFÍ.
Verkfræðihönnun: Glóra ehf. Þorleifur Björnsson Byggingafræðingur BFÍ
Raflagnahönnun: Rafmiðstöðin sf. Guðmundur Björnsson
Innanhússhönnun: Jónína Þóra Einarsdóttir Innanhússarkitekt
Byggingaraðili: Stöngull ehf., kt. 460706-0840.
Byggingastjóri. Jónas Ragnarsson Húsasmíðameistari