Hverfisgata 92

Glæsileg nýbygging í hjarta miðborgarinnar með 24 vönduðum íbúðum þar sem lagt hefur verið mikið upp úr hönnun og frágangi. Allar íbúðir eru með gólfhita, innfelldri lýsingu, tilbúnar fyrir snjallíbúðarkerfi, vönduðum innréttingum, gólfefnum og tækjum og borðplötum úr kvartsteini. Snjallbox fyrir heimsendingar er staðsett í anddyri.

24 íbúða bygging í þremur stigahúsum og skiptist í A, B og C hús. Á milli húsanna er góður inngarður sem er opinn á móti suðri og vestri. Bílastæði í sameiginlegri bílageymslu fylgja öllum íbúðum. Batteríið Arkitektar sáu um hönnun hússins og hefur verið vandað til verka. Gamli stíllinn sem einkennir miðbæinn hefur fengið að halda sér í bland við nútímalegar byggingar sem falla vel að heildarmynd miðborgarinnar. Stærðir íbúða eru frá 68,8 m2- 146,4 m2.